ವ್ಹಡಿಲಾಂಕ್ ಸಾಂಗಾತಾಚ್ ಭುರ್ಗ್ಯಾಂಕ್  ಲ್ಹಾನ್ ಕ್ರಿಸ್ತಿ ಸಮುದಾಯ್ (SCC)

ಪವಿತ್ರ್ ಪುಸ್ತಕ್ ಆಯೋಗ್, ಭಾವಾರ್ಥಿ ಶಿಕ್ಷಣ್ ಆಯೋಗ್ ಆನಿ ಮುಳಾವಿ ಕ್ರಿಸ್ತಾಂವ್ ಸಮುದಾಯ್ ಆಯೋಗಾಚ್ಯಾ ಮುಖೇಲ್ಪಣಾರ್ ತಶೆಂಚ್ ವಿಗಾರ್ ಬಾಪಾಂಚ್ಯಾ ಮಾರ್ಗದರ್ಶನಾ ಖಾಲ್ ಆಮ್ಚ್ಯಾ ಫಿರ್ಗಜೆಚ್ಯಾ ಭುರ್ಗ್ಯಾಂಕ್ ಆನಿ ತಾಂಚ್ಯಾ ವಡಿಲಾಂಕ್ “ಕ್ರಿಸ್ತೀ ಶಿಕ್ಷಣಾಚೊ ಮಹತ್ವ್”, ಹ್ಯಾ ವಿಶಿಂ ಶಿಕವ್ಣ್ ಸಾಂಗಾತಾಚ್ ಭುರ್ಗ್ಯಾಂಕ್ ಲ್ಹಾನ್ ಕ್ರಿಸ್ತಿ ಸಮುದಾಯ್ (SCC) ತರ್ಬೇತಿ,ಜಮಾತ್ ಕಾರ್ಯಕ್ರಮ್ ಜುಲೈ ಮಹಿನಾಚ್ಯಾ ಪಯ್ಲ್ಯಾ ಆಯ್ತಾರಾ( 05-07-2026) ಮಾಂಡುನ್ ಹಾಡ್ ಲ್ಲೆಂ.

 
ಸಕಾಳಿಂ ಮಿಸಾ ವೆಳಾರ್ ಮಾ|ಬಾ| ಜೊಸ್ಸಿ ಲೋಬೊ  ಹಾಣಿಂ ಭೋವ್ ಅರ್ಥಾಭರಿತ್ ರಿತಿನ್ ಸಂವಾದಾ ರೂಪಾನ್ “ಕ್ರಿಸ್ತೀ ಶಿಕ್ಷಣಾಚೊ ಮಹತ್ವ್” ಹ್ಯಾ ವಿಶಿಂ ಸಾದ್ಯಾ ಉತ್ರಾಂನಿ ಸರ್ವಾಂಕ್ ಸಮ್ಜಾ ಸಾರ್ಕೆ ಶಿಕವ್ಣ್ ದಿಲಿಂ. ಮಿಸಾಂ ಉಪ್ರಾಂತ್ ಭುರ್ಗ್ಯಾಂಕ್ ಮುಳಾವಿ ಕ್ರಿ.ಸ.ವಿಶಿಂ ತರ್ಬೆತ್ ಆನಿ ಜಮಾತ್ ಚಲವ್ನ್ ವ್ಹೆಲಿ. ಮು.ಕ್ರಿ.ಸ. ಆಯೋಗಾಚಿ ಕಾರ್ಯದರ್ಶಿ ಮೋಲಿ ಪಿಂಟೊನ್ ಸರ್ವಾಂಕ್ ಮೊಗಾಚೊ ಸ್ವಾಗತ್ ಪಾಟಾಯ್ಲೊ. ವಿಗಾರ್ ಮಾ | ರೋಶನ್ ಕ್ರಾಸ್ತಾ ಬಾಪಾಂನಿ ಜಮಾತೆಚೊ ಮಹತ್ವ್ ಆನಿ ಉದ್ದೇಶ್ ಭುರ್ಗ್ಯಾಂಕ್ ಸಮ್ಜ ಸಾರ್ಕೆಂ ಸಾದ್ಯಾಂ ಉತ್ರಾಂನಿ ವಿವರುನ್ ಸಾಂಗ್ಲೆ. ಮು.ಕ್ರಿ.ಸ.ಸಂಚಾಲಕಿ ಪ್ರೇಮಲತಾ ಫ್ರಾಂಕ್ ಹಿಣೆಂ ಭುರ್ಗ್ಯಾಂಕ್ ಜಮಾತ್ ಚಲವ್ನ್ ವರುಂಕ್ ಥೊಡಿಂ ಸೂಚನಾಂ ದಿಲ್ಲ್ಯಾ ಉಪ್ರಾಂತ್ ಜಮಾತ್ ಆರಂಭ್ ಕೆಲಿ.

ಸುರ್ವೆರ್ “ಎಕಾ ಕಾಳ್ಜಾಚಿ, ಎಕಾ ಮನಾಚಿಂ ಜಾವ್ನ್” ಗೀತ್ ರಿಯೋನ ಸಿಕ್ವೇರಾನ್ ಶಿಕಯ್ಲೆಂ ಆನಿ ಸರ್ವಾಂನಿ ಹೆಂ ಗೀತ್ ಗಾವ್ನ್ ಪವಿತ್ರ್ ಪುಸ್ತಕಾಕ್ ಮಾನ್ ಭೆಟಯ್ಲೊ.ವಿಯೋನ್ ರೇಗೊನ್ ಪ್ರೇರಕ್ ಜಾವ್ನ್ ಸಾತ್ ಮೆಟಾಂಚೆ ಶುಭ್ ವಾರ್ತಾ ವಾಂಟುನ್ ಘೆಂವ್ಚ್ ವಿಧಾನ್ ಚಲವ್ನ್ ವ್ಹೆಲೆ. ಪಯ್ಲ್ಯಾ ಮೆಟಾರ್ ರೊನ್ಸಿಯಾ ಸಿಕ್ವೇರಾನ್ ಪ್ರಾರ್ಥನಾ ದ್ವಾರಿಂ ಸೊಮ್ಯಾ ಜೆಜುಕ್ ಜಮಾತೆಕ್ ಸ್ವಾಗತ್ ಕೆಲೊ. ದುಸ್ರ್ಯಾ ಮೆಟಾರ್ ಸಾಂ. ಮಾತೆವಾಚ್ಯಾ ಸುವಾರ್ತೆಂತ್ಲೆ ವಾಚಾಪ್ “ಆಟ್ ಭಾಗಿ” (ಅವಸ್ವರ್5:3-12) ಮರಿಯಾ ಡಿಸೋಜಾ ಆನಿ ಐಮಿ  ವೇಗಸಾನ್  ವಾಚ್ಲೆ. ತಿಸ್ರ್ಯಾ ಮೆಟಾಂತ್ 15 ಭುರ್ಗ್ಯಾಂನಿ ಉತರ್ ವಾ ಸಬ್ದ್ ವಿಂಚುನ್ ಕಾಡುನ್ ಪ್ರಾರ್ಥನಾ ದ್ದಾರಿಂ ಸಕ್ಡಾಂಕ್ ಆಯ್ಕಾ ಸಾರ್ಕೆಂ ಉಚಾರ್ಲೆಂ. ಉಪ್ರಾಂತ್ ಭುರ್ಗ್ಯಾಂನಿ ಫುಡ್‌ಲ್ಲ್ಯಾ ದಿಸಾಂಕ್ ಜಿವಿತಾಚೆಂ ಉತರ್ “ತುಮಿ ಕಿತ್ಲಿಂ ಭಾಗಿ”ವಿಂಚುನ್ ಕಾಡ್ಲೆ. ಹ್ಯಾ ಜಮಾತೆಂತ್  ಘೆತ್ಲ್ಲೆಂ ಸೆವೆಚೆಂ ಕಾಮ್: ನವ್ಯಾ ಇಗರ್ಜ್ ಬಾಂದ್ವಾಚ್ಯಾ ಕಾಮಾಕ್ ಭುರ್ಗ್ಯಾಂನಿ ಅರ್ಧ್ಯಾ ದಿಸಾಚಿಂ ಸೆವಾ ದಿಂವ್ಚಿ. ಲಗ್ಬಗ್ 25 ಭುರ್ಗ್ಯಾಂನಿ ಸ್ವಂತ್ ಪ್ರಾರ್ಥನ್ ಕೆಲೆಂ. ಸರ್ವ್ ಭುರ್ಗ್ಯಾಂನಿ ವ್ಹಡಾ ಹುಮೆದಿನ್ ಜಮಾತೆಂತ್ ವಾಂಟೊ ಘೆತ್ಲೊ. ಬ್ರದರ್ ಮೆಲ್ವಿನ್, ಸಿಸ್ಟರ್ ಸರಿತಾ ,ಸಿಸ್ಟರ್ ವೀಣಾ ಜ್ಯೋತಿ ,ಕ್ರೀಸ್ತಿ ಶಿಕ್ಷಣ್ ಶಿಕ್ಷಕಾಂ,ವ್ಹಡಿಲಾಂ,ಆಯೋಗಾಚೆಂ  ಆನಿ ಫಿ.ಗೊ. ಪರಿಷದೆಚೆಂ ಸಾಂದೆ  ಹಾಜರ್ ಆಸೊನ್ ಜಮಾತ್ ಯಶಸ್ವಿ ಜಾಂವ್ಕ್  ಮೊಟೊ ಸಹಕಾರ್ ದಿಲೊ.